Iselder a phryder ydy’r mathau mwyaf cyffredin o salwch meddwl yn y DU. Mae pobl gydag anabledd dysgu yn llawer mwy tebygol o ddioddef problemau iechyd meddwl fel y rhain na’r boblogaeth yn gyffedinol. Mae’r hyfforddiant yma yn edrych ar yr ymchwil diweddaraf am y rheswm dros hyn a sut i gefnogi rhywun sydd ag anabledd dysgu i ddeall y cyflyrau yma.
Fe fyddwn yn edrych yn fanwl ar y problemau iechyd meddwl cyffredin yma ac yn bwysicaf, y ffyrdd gorau iw trin a chadw’n iach.
Mae’r cwrs yn cynnwys
- Beth ydy iselder a phryder?
- Sut mae’n effeithio ar y corff a’r meddwl?
- Sut y gall iselder a phryder effeithio ar rhywun sydd ag anabledd dysgu?
- Sut rydyn ni’n adnabod iselder a phryder mewn pobl eraill
- Sut i helpu rhywun sydd ag anabledd dysgu i ddeall iselder a phryder
- Dulliau o drin iselder a phryder a sut i gadw’n iach.
Ar gyfer
Mae’r cwrs yma wedi cael ei anelu at unrhyw un sydd eisiau gwell dealltwriaeth o iselder a phryder ac mae’n arbennig o berthnasol i bobl sydd yn cefnogi rhywun sydd ag anabledd dysgu.
Am yr Hyfforddwr
Mae Julie wedi’i hyfforddi ar lefel ôl raddedig mewn iechyd meddwl ac mae wedi derbyn hyfforddiant i gefnogi pobl drwy ddefnyddio amrediad o ymyriadau yn cynnwys ymwybyddiaeth ofalgar, Therapi Gwybyddol Ymddygiadol, Therapi Byr yn canolbwyntio ar atebion a Chyfweld Ysgogiadol.
Mae Julie yn credu bod iechyd meddwl yn ymwneud â’r person cyfan, eu cymuned a’u cymdeithas. Mae’n ceisio gwella iechyd meddwl a llesiant drwy hyfforddiant perthnasol sy’n procio’r meddwl, gwella ymarferion yn y gweithle a chefnogi pobl i ofalu am eu llesiant
>
>
