Ein staff ac ymddiriedolwyr

Mae Zoe yn darparu arweiniad strategol, sicrhau cynaliadwyedd ariannol a siarad â’r cyfryngau ar ein rhan.

Mae Julie yn arwain ar ymchwil, datblygu, dylanwadu a sicrhau cyllid newydd i helpu i gynnal y corff a’i brosiectau.

Mae Sam yn arwain ar gyflawni ein strategaeth polisi a chyfathrebu yn sicrhau bod y safbwyntiau a’r materion sy’n bwysig i bobl ag anabledd dysgu yn cael eu clywed.

Mae Kai yn rheoli ein gwefan a’n cyfryngau cymdeithasol, yn golygu ein e-newyddlen Llais Update, ac yn helpu ein haelodau gydag ymholiadau am wybodaeth.

Mae Kai hefyd yn gydgysylltydd i’n prosiect Ffrindiau Gigiau.  Mae Kai yn hyrwyddo’r prosiect ac yn cynorthwyo gyda datblygiad y prosiect.

Mae Laura’n arwain hyrwyddo, darparu a datblygu ein Gwasanaeth Hawdd ei Ddeall i sicrhau bod gwybodaeth yn hygyrch i bobl gydag anabledd dysgu.

Hefyd mae Inacia’n ysgrifennu a dylunio dogfennau hawdd eu deall ar gyfer ein cleientiaid.  Mae hi’n gweithio gyda Laura a Julie i helpu i redeg ein Gwasanaeth Hawdd ei Ddeall.

Mae Julie’n ysgrifennu a dylunio dogfennau hawdd eu deall ar gyfer ein cleientiaid.  Mae hi’n gweithio gyda Laura ac Inacia i helpu rhedeg ein Gwasanaeth Hawdd ei Ddeall.

Mae Rhian yn ysgrifennu ac yn dylunio dogfennau hawdd eu deall i’n cleientiaid. Mae’n gweithio gyda Laura, Julie ac Inacia i helpu i redeg ein Gwasanaeth Hawdd ei Ddeall

Rheolwr Prosiect Engage to Change yw Angela sy’n gyfrifol am reoli a monitro gwaith y prosiect yn ogystal a’r holl gysylltiadau cyhoeddus perthnasol.

Mae Gerraint yn hyrwyddo prosiect Engage to Change gan siarad â phobl ifanc a’u gofalwyr a darpar gyflogwyr ac yn cymryd rhan mewn cyfryngau digidol.  Hefyd mae’n cefnogi prosiect Pencampwyr a phartneriaid.

Mae Simon yn rheoli cefnogi ein rhwydweithiau ac yn arwain darparu ein digwyddiadau a hyfforddiant.

Mae Iwan yn cefnogi’r tim gyda gweinyddu ein digwyddiadau a marchnata a hyrwyddo ein gwaith a’n gwasanaethau. Mae hefyd yn sicrhau ein hymgysylltiad parhaus gyda’n haelodau, tanysgrifwyr a  rhanddeiliaid

Mae Lucy yn cefnogi’t tîm gyda datblygu, trefnu a hyrwyddo ein digwyddiadau a’n gweithgaredd rhwydweithio. Mae Lucy yn rhedeg ein harchebion ac yn gofalu am ein siaradwyr a’n hwyluswyr.

Mae Karen yn arwain ar archwilio cyfleoedd i ddatblygu prosiectau newydd.  Mae hi’n rheoli sawl maes yn ein prosiect 21st Century People, yn ogystal â’n cymuned ymarfer technoleg wedi’i phersonoli ac yn datblygu gwaith o’n prosiect Love Life Ewropeaidd.

Hefyd mae Karen yn rheoli Ffrindiau Gigiau Cymru, a ehangodd yn ddiweddar i Ogledd Cymru gyfan a Abertawe Castell-nedd Port Talbot

Cydgysylltydd Prosiectau yw Kylie ar gyfer ein prosiect Ffrindiau Gigiau.  Mae hi’n hyrwyddo’r prosiect ac yn recriwtio cyfranogwyr a gwirfoddolwyr.

Cydgysylltydd Prosiectau yw Sian yn ein prosiect Ffrindiau Gigiau newydd yng Ngogledd Cymru.  Mae Sian yn hyrwyddo’r prosiect ac yn recriwtio cyfranogwyr a gwirfoddolwyr.

Mae John yn Gydlynnydd Gwirfoddoli ar gyfer ein prosiect Ffrindiau Gigiau yng Ngogledd Cymru

Fe fydd John yn recriwtio, cefnogi a datblygu profiadau ein gwirfoddolwyr.

Mae Danielle yn gydlynnydd Prosiect ar gyfer ein prosiect Ffrindiau Gig yn Abertawe Nedd Port Talbot. Mae Danielle yn hyrwyddo’r prosiect ac yn recriwtio cyfranogwyr a gwirfoddolwyr.

Mae Jo yn sicrhau bod ein staff yn cael eu trin yn deg, bod gennym y polisïau cywir yn eu lle a’n bod yn ymdrechu am welliant parhaus fel cyflogwr. Mae Jo yn cynghori’r Prif Weithredwr a’r rheolwyr ar faterion adnoddau dynol a llywodraethiant, yn arwain ar recriwtio staff ac ymddiriedolwyr ac yn gweithio gyda’r Cadeirydd i sicrhau bod y Bwrdd Ymddiriedolwyr yn gweithredu’n effeithiol ac yn unol â gofynion cyfreithiol.

Mae Julie yn darparu cefnogaeth weinyddol i’r tim, yn helpu i redeg y swyddfa ac yn arwain ar ddatblygiad parhaus ein systemau a’n prosesau i wella’r ffordd rydym yn gweithio.

Mae Zhanar yn gyfrifol am reoli, monitro a chynnal gweithdrefnau cyfrifeg a chyllidol cywir er mwyn i’r sefydliad gael ei redeg yn dda a chydfynd â gofynion cyllidwyr, y gyfraith cwmnïau ac elusennol.

Mae Nicola yn gyfrifol am redeg tasgau yn berthynol i gyllid o ddydd i ddydd ac mae’n cynorthwyo ein Rheolwraig Cyllid fel bod y corff yn cael ei redeg yn dda yn ariannol ac yn cydymffurfio gyda gofynion cyllidwyr, elusen a chyfraith cwmni.

Mae Michael yn ein helpu i gadw’r swyddfa yn lân ac yn daclus.

Roedd gyrfa gyntaf Tracy yn ymwned â marchogaeth. Tra’n gweithio fel Prif Hyfforddwraig mewn canolfan Marchogaeth i’r Anabl daeth yn chwilfrydig am bobl a beth sydd yn eu hysgogi, ac mae hyn wedi bod yn thema am weddill ei bywyd gwaith!

Mae Tracy yn byw yn Harlech ac mae ganddi gymwysterau lefel 7 mewn rheolaeth a chydraddoldeb, amrywiaeth a chynhwysiant.  Mae hi wedi gweithio gyda phobl ag anableddau dysgu ers tua 30 mlynedd.  Mae hi wedi ymgymryd ag amrywiaeth o rolau drwy gydol ei gyrfa ac ar hyn o bryd mae’n Gyfarwyddwraig Ymchwil ac Arloesi ar gyfer KeyRing lle mae hi wedi gweithio ers blynyddoedd lawer. Mae rolau eraill wedi cynnwys allgymorth, datblygu busnes, ymgysylltu, cyfathrebu a marchnata.

Mae gan Tracy ddiddordeb arbennig mewn cefnogaeth i bobl ag anableddau dysgu sy’n cael eu hunain yn y System Cyfiawnder Troseddol ac mae’n angerddol am gael straeon pobl sydd wedi cael eu gwasanaethu’n wael gan y system i faes y rhai sy’n gwneud penderfyniadau.

Beth mae bod yn ymddiriedolwr yn ei olygu i mi

Rwy’n angerddol am hawliau a bywydau pobl ag anableddau dysgu ac ar ôl gweithio mewn elusennau ers dros ddau ddegawd, rwy’n gwybod y gwahaniaeth y gall bwrdd da ei wneud! Mae gan Anabledd Dysgu Cymru weledigaeth uchelgeisiol, ac mae’n anrhydedd i mi sefyll ysgwydd wrth ysgwydd gyda phobl o’r un anian.

Steve ydy Prif Swyddog Gweithredol Perthyn ac mae wedi bod yn ymddiriedolwr ers 2010.

Mae Steve wedi bod mewn nifer o uwch swyddi mewn cyrff sydd yn gweithio yn y sector gofal cymdeithasol. Y sgiliau neilltuol y mae’n eu cyfrannu at Anabledd Dysgu Cymru ydy rheolaeth ariannol, gweinyddiaeth a chynllunio strategol.

Mae Richard wedi gweithio yn y sector gofal ers 1996. Mae ei rolau blaenorol wedi cynnwys Gweithiwr Cymorth, Rheolwr Cofrestredig, Rheolwr Rhanbarthol, rheoli caffi menter gymdeithasol sy’n darparu hyfforddiant, rheolwr gwasanaeth Cysylltu Bywydau ac ar hyn o bryd mae’n Bennaeth Ansawdd a Chydymffurfiaeth yn Ategi.

Mae Richard wedi dal swyddi rheoli yn y sector gofal ers 2004. Mae hefyd wedi cyflwyno amryw o bynciau hyfforddi i arfogi gweithwyr â’r wybodaeth a’r sgiliau i ymgymryd â’u rolau yn effeithiol.

Mae Richard wedi gweithio gyda gwahanol grwpiau cleientiaid gan gynnwys pobl ag anableddau dysgu, anableddau corfforol, pobl â salwch meddwl a phobl hŷn i enwi ond ychydig.

Mae gan Richard angerdd am ddarparu gofal a chymorth rhagorol ac mae’n ymdrechu i ymgorffori ei werthoedd a’i arferion gwaith cryf o fewn y gwasanaethau y mae’n ymwneud â nhw i sicrhau bod pobl yn byw eu bywydau gorau, yn eu ffordd nhw!

Mae Richard gwelliant parhaus ar y blaen ym mhopeth y mae’n ei wneud.

Beth mae bod yn ymddiriedolwr yn ei olygu i mi:

Ers i mi ddechrau fy ngyrfa mewn gofal yn fy arddegau (hwyr) rwyf bob amser wedi cadw fy ngwerthoedd o gefnogi pobl i gynnal cymaint o ddewis, rheolaeth, ymreolaeth ac annibyniaeth â phosibl. Mae rôl Ymddiriedolwr yn golygu y gallaf rannu fy angerdd a’m hymrwymiad i sicrhau bod fy ngwerthoedd a lleisiau pobl ag anabledd yn ganolog i unrhyw ddarpariaeth gymorth.
Mae’n fraint ac yn anrhydedd cael fy ethol yn ymddiriedolwr yn Anabledd Dysgu Cymru.

Mae Georgia yn edrych ymlaen at rannu fy nealltwriaeth werthfawr fy hun o gael anabledd dysgu tra’n sicrhau bod pobl eraill sydd â phrofiadau anabledd dysgu yn cael eu hamlygu a’u cynnwys mewn sgyrsiau.

Georgia yn dweud – Mae fy mhrofiad byw o fod ag anabledd dysgu a niwroamrywiaeth yn golygu fy mod yn gwybod o lygad y ffynnon y rhwystrau a’r rhwystrau i mi ac unigolion eraill ag anabledd dysgu yn ein bywydau bob dydd. Rwy’n gwybod bod cael anabledd dysgu yn golygu ein bod yn cael ein gadael allan yn llawer rhy aml o drafodaethau a sgyrsiau pwysig a gwerthfawr am ein hanghenion, ac yn aml iawn ychydig o fewnbwn a llais sydd gennym ni mewn penderfyniadau sy’n cynnwys ac yn effeithio ar ein bywydau a’n dyfodol. Rwy’n gobeithio y gallaf ddod ag ymwybyddiaeth o’r profiadau cadarnhaol a negyddol sy’n dod ynghyd â chael anabledd dysgu tra hefyd yn gallu helpu i lunio a gwneud newidiadau cadarnhaol ym mhob rhan o’n bywydau.

Pam ei bod yn bwysig i mi fod yn ymddiriedolwr Anabledd Dysgu Cymru

Mae’n anrhydedd i mi gael fy newis yn ymddiriedolwr sefydliad mor anhygoel ag Anabledd Dysgu CymruFel ymddiriedolwr, mae’n bwysig i mi fy mod yn rhoi llais i ystod amrywiol o bobl ag anabledd dysgu, a bydd hyn wrth wraidd yr hyn rwy’n ei wneud i sicrhau y bydd pawb ym mhobman yn fwy cynhwysol i bob person anabl, Diolch i chi am y cyfle gwych hwn.

Claire ydy Prif Weithredwraig  Anheddau Cyf, darparydd byw gyda chefnogaeth yng ngogledd Cymru.

Wedi dechrau ei gyrfa yn ei harddegau hwyr fel gweithiwr cefnogi yn yr union gorff y mae bellach yn Brif Weithredwraig ynddo .

Mae Claire wedi gweithio am dros 30 mlynedd i gael y cymwysterau i arwain a thrawsnewid gwasanaethau, Mae gan Claire BSc newn Iechyd a Gofal Cymdeithasol ac mae’n Weithiwr Cymdeithasol cymwysiedig ac yn Ymarferydd Iechyd Meddwl Cymeradwy. Mae ganddi brofiad helaeth o reoli adran Gwasanaethau Cymdeithasol cymhleth cyn dychwelyd i weithio i  Anheddau.

Mae Claire bob amser wedi canolbwyntio ar ddargafnod atebion i alluogi pobl i fyw eu bywydau mwyaf prysur a chyfoethog.

Gydag enw da o ddelio gyda sefyllfaoedd anodd mae Claire yn ffynnu ar ddarganfod atebion ac mae bob amser yn cadw anghenion a dyheadau pobl yng nganol popeth mae’n ei wneud ac mae’n gyffrous iawn i gael y cyfle i helpu i ddylanwadu ar newidiadau positif ym mywydau pobl gydag anabledd dysgu.

Beth mae bod yn ymddiriedolwr Anabledd Dysgu Cymru yn ei olygu imi:

Ers dechrau fy ngyrfa fel gweithiwr cefnogi rhyw 30 mlynedd yn ôl mae sicrhau hawliau pobl gydag anabledd dysgu wedi bod yn holl bwysig imi. Wedi bod yn aml yn llais unig mewn uwch gyfarfodydd, mae bod yn ymddiriedolwr yn rhoi’r cyfle imi fod gydag unigolion o’r un farn â mi i sicrhau bod llais a dewis unigolion wrth galon pob penderfyniad, Mae’n fraint cael bod yn ymddiriedolwr .

Dechreuodd Adele Rose-Morgan ar hyfforddiant gyrfa i addysgu oedolion ag anawsterau dysgu wrth weithredu Strategaeth Cymru Gyfan, ar ddiwedd yr 80au.

Ar ôl gweithio’n fyr gyda’r Tîm Ymddygiad Heriol newydd ei ffurfio a derbyn hyfforddiant, cymerodd rôl Hyfforddwr Peripatetig gyda’r Tîm Cymunedol ar gyfer Anableddau Dysgu yn Llanelli.

Rhianta ac eiriol dros ei thrydydd plentyn, sy ag anab’n dysgu fu  ei llwybr dysgu mwyaf arwyddocaol. Trwy’r daith hon, mae hi wedi datblygu dealltwriaeth ddofn o bwysigrwydd y model cymdeithasol o anabledd a Chonfensiwn y Cenhedloedd Unedig ar Hawliau Pobl Anabl (UNCRDP). Nawr mae’n gwbl argyhoeddedig am yr angen am addysg gynhwysol, fel y disgrifir yn y UNCRDP.

Tua naw mlynedd yn ôl, wedi’i sbarduno gan ei phrofiadau ei hun o ynysu, sefydlodd Adele grŵp cymorth cymheiriaid ar-lein ar gyfer rhieni ofalwyr o’r enw “Joining the Dots’. Mae’r platfform hwn yn darparu gofod lle gall rhieni ofalwyr geisio a chynnig cefnogaeth i’w gilydd.

Mae Adele wedi neilltuo ei hamser i wirfoddoli a chydgynhyrchu gyda nifer o grwpiau a byrddau, megis Rhwydwaith Cydgynhyrchu Abertawe, Fforwm Gofalwyr Rhieni Abertawe, Bwrdd Partneriaeth Rhanbarthol Gorllewin Morgannwg, Panel Cynghori Oedolion Comisiynydd Plant Cymru, a Grŵp Rhanddeiliaid Hawliau Dynol Cymru.

Beth mae bod yn ymddiriedolwr Anabledd Dysgu Cymru yn ei olygu i mi

Rwy’n hynod gyffrous i gefnogi Anabledd Dysgu Cymru i ysgogi newid ar gyfer cenedlaethau’r dyfodol o blant a phobl ifanc ag anableddau dysgu. Credaf yn gryf mai addysg gynhwysol yw’r allwedd i wireddu’r weledigaeth hon.

Mae Jonathan wedi gweithio ym maes Gofal Cymdeithasol ers dros 30 mlynedd mewn gwahanol leoliadau ledled Cymru.

Dechreuodd Jonathan fy ngyrfa mewn gofal a chymorth uniongyrchol  gan weithio gydag oedolion ag anabledd dysgu. Mae gweithio wrth ddarparu gofal a chymorth wedi bod yn amhrisiadwy wrth ddeall yr heriau a’r cyfleoedd allweddol y mae pobl yn eu gweld a’r ‘hyn sy’n bwysig’ iddyn nhw.

Tan yn ddiweddar, Jonathan oedd Cyfarwyddwr Trawsnewid Plant a Gofal Cymdeithasol i Oedolion yn Llywodraeth Cymru. Cyn y swydd hon roeddwn yn Gyfarwyddwr Gwasanaethau Cymdeithasol Cyngor Sir Penfro ac yn gyn-Lywydd Cymdeithas Cyfarwyddwyr Gwasanaethau Cymdeithasol Cymru o fis Ebrill 2021.

Mae Jonathan yn angerddol am y cyfle i newid ac arloesi cadarnhaol a thrwy weithio ar y cyd â phobl, cymunedau ac asiantaethau eraill i hyrwyddo annibyniaeth a lles.

Pam ei bod yn bwysig i mi fod yn ymddiriedolwr Anabledd Dysgu Cymru

Rwy’n falch iawn o fodyn ymuno fel Ymddiriedolwr yn Anabledd Dysgu Cymru ac rwy’n edrych ymlaen at weithio gyda’r sefydliad a phawb sy’n ymwneud â gwneud Cymru’r ‘wlad orau yn y byd i bobl ag anabledd dysgu fyw, dysgu, caru a gweithio ynddi’.  Rwy’n gobeithio y gallaf ddod â’m profiad i rôl yr ymddiriedolwr a sefyll gyda’n gilydd i gynnal a diogelu’r hawliau i oedolion ag anabledd dysgu.

Mae James ar Fwrdd Cyfarwyddwyr Pobl yn Gyntaf Cymru Gyfan a Bwrdd Partneriaeth Gorllewin Cymru.

Mae James yn cael fy nghyflogi fel Hyrwyddwr Archwiliadau Iechyd Hygyrch ar gyfer Sir Benfro gan weithio ochr yn ochr â Hyrwyddwyr yn Sir Gaerfyrddin a Cheredigion.   Mae James hefyd yn gwirfoddoli ar gyfer prosiect cyfryngau anableddau dysgu o’r enw Barod Media ar eu podlediadau a rholiau ffilm newyddion Hawdd ei Ddeall.

Mae James wedi bod yn aelod o nifer o fyrddau yng Nghymru yn llais i bobl ag anableddau dysgu, ac mae’r rhain yn cynnwys:

• Aelod a Chadeirydd Pobl yn Gyntaf Sir Benfro am 13 mlynedd
• Cadeirydd Bwrdd Partneriaeth Sir Benfro.
• Aelod o’r Tîm Breuddwyd -grŵp o bobl ag anableddau dysgu o Geredigion Sir Gaerfyrddin a Sir Benfro. Gweithio gyda’n gilydd i newid y ffordd y mae awdurdodau lleol yn gweithio

James i hefyd wedi gweithio i Barod CIC gan helpu gyda ‘Assist My Life’,  ap i helpu pobl i fod yn fwy annibynnol pan fyddan nhw allan yn y gymuned.

Pam ei bod yn bwysig i mi fod yn ymddiriedolwr Anabledd Dysgu Cymru

I mi mae bod yn ymddiriedolwr yn golygu y gallaf ddod i adnabod y staff a gwneud ffrindiau newydd, dysgu sut mae’r sefydliad yn gweithio a gwneud cysylltiadau newydd gydag aelodau  ar y prosiectau a hefyd bydd yr ochr ymgyrchu yn dangos i mi beth mae pobl yng Nghymru eisiau gweld yn well yn y dyfodol ac rwy’n edrych ymlaen at weithio gyda chi.

Ramona yw Rheolwr Gwasanaeth Gwasanaeth Anableddau Gydol Oes ei Hawdurdod Lleol. Mae hi wedi gweithio gyda phobl ag anableddau dysgu ac ar eu cyfer ers bron i 40 mlynedd ac mae wedi gweithio mewn amrywiaeth o rolau ym maes Gofal Cymdeithasol dros y cyfnod hwnnw, gan gynnwys gwasanaethau gofal uniongyrchol a Gwaith Cymdeithasol. Cymhwysodd Ramona fel Gweithiwr Cymdeithasol yn 2000 gan gwblhau Diploma mewn Gwaith Cymdeithasol a Gradd Meistr mewn Gwaith Cymdeithasol. Cymhwysodd hefyd fel Aseswr Buddiannau Gorau yn 2016. Trwy gydol ei gyrfa mae Ramona wedi gwrando ar y bobl y mae’n darparu cefnogaeth iddynt ac yn gobeithio bod hyn yn cael ei adlewyrchu yn y ffordd y mae gwasanaethau wedi cael eu datblygu a’u darparu.

Beth mae bod yn ymddiriedolwr Anabledd Dysgu Cymru yn ei olygu imi:

Yr hawl i berson ag anabledd dysgu fyw bywyd cyffredin yn eu cymuned, gyda chyfle cyfartal a pharch fel pobl eraill, i gael llais a chael gwrandawiad, yw’r gwerthoedd rwyf y neu coleddu. Ar ôl cymaint o flynyddoedd, rwy’n edrych ymlaen at ymddeol, ond hoffwn barhau i gymryd rhan gobeithio mewn gwella bywydau pobl ag anabledd dysgu a’u gofalwyr, ond hefyd fy nghysylltiadau â’r bobl wych rwyf wedi gweithio gyda nhw ers cymaint o flynyddoedd. Mae Anabledd Dysgu Cymru yn sefydliad y mae gennyf barch mawr tuag ato ac mae’n adlewyrchu fy ngwerthoedd a’m brwdfrydedd. Rwy’n falch iawn o gael fy ngwahodd i fod yn rhan o’r sefydliad hwn fel Ymddiriedolwr.

Fy ysbrydoliaeth yw fy mab, Tommy. Yn 2 oed cafodd ddiagnosis o Awtistiaeth ac yn ddiweddarach Anableddau Dysgu Lluosog Dwys. Fel rhiant i blentyn ag anghenion sylweddol, cefais fy hun yn cael fy nhaflu’n llwyr yn y pen dwfn heb fawr o gefnogaeth. Ar ôl cyfnod dysgu serth yn 2010, sefydlais yr elusen The Autism Directory, a elwir bellach yn Autistic Minds, gyda’r nod o helpu unigolion awtistig a’u teuluoedd i gael yr help sydd ei angen arnynt.

Yn fy mywyd proffesiynol, mae gen i 40 mlynedd o brofiad ym maes rheoli busnes ac ymgynghori, ar ôl gweithio gydag Accenture ac uwch dimau rheoli rhai o’r prif gwmnïau sglodion glas yn y DU, gan gynnwys BT, Prudential a Pfizer. Am 4 blynedd, bu gen i hefyd gyfarwyddiaeth ar gyfer ymgynghoriaeth yn Llundain, ac rwy’n parhau i redeg fy musnes fy hun heddiw. Fy arbenigedd yw datblygu pobl a busnes drwy reoli newid; P’un a yw hynny’n newid busnes o ran y bobl, y prosesau a’r dechnoleg sydd eu hangen i gyflawni nodau sefydliad, neu’r newid sydd ei angen i wella profiad cyffredinol rhywun o fywyd.

Fel Hyfforddwr achrededig, Hyfforddwr a Meistr Ymarferydd NLP, rwy’n helpu pobl o ystod o gefndiroedd i gyflawni eu nodau personol a busnes, ac o ganlyniad i fyw bywydau hapusach, mwy cytbwys a chyflawn.

Pam ei bod yn bwysig i mi fod yn ymddiriedolwr Anabledd Dysgu Cymru.

Mae bod yn Ymddiriedolwr ADC yn rhoi’r cyfle i mi rannu fy ngwybodaeth a’m profiad o fy mywyd yn magu fy mab, a llywio’r systemau a’r sefydliadau sydd eu hangen i sicrhau ei anghenion am weddill ei oes.  Hefyd i ddefnyddio fy mhrofiad busnes a’r trydydd sector er budd pawb y mae’r elusen yn eu cefnogi.

Mae Sana yn weithiwr cymorth i deuluoedd yn EYST (Tîm Lleiafrifoedd Ethnig a Chymorth Ieuenctid Cymru). Daw Sana o gefndir Asiaidd ac mae’n cydnabod bod anableddau ac anableddau dysgu yn aml wedi cael stigma mewn rhai aelwydydd.

Cenhadaeth Sana yw codi ymwybyddiaeth a darparu adnoddau i gymunedau amrywiol, gan rymuso teuluoedd i geisio gofal a chymorth priodol ar yr adeg gywir. Mae Sana eisiau helpu i greu cymdeithas fwy cynhwysol sy’n gwerthfawrogi ac yn gwasanaethu ei holl aelodau.

Beth mae bod yn ymddiriedolwr Anabledd Dysgu Cymru yn ei olygu imi:

Edrychaf ymlaen at gydweithio â chi ac rwy’n gyffrous i gyfrannu at waith dylanwadol Anabledd Dysgu Cymru.

Mae Ann yn gwirfoddoli i Eiriolaeth Eich Llais gan helpu i gynnal digwyddiadau cymdeithasol a chefnogi eraill i gymryd rhan.

Mae Ann yn hyfforddwraig. Mae wedi cwblhau’r cwrs ‘hyfforddi’r hyfforddwyr’ ac mae ganddi wobr Paul Ridd am ddarparu hyfforddiant yn annibynnol.

Mae Ann wedi darparu hyfforddiant ar anabledd dysgu a phriodas ac ymwybyddiaeth anabledd dysgu i weithwyr gofal iechyd proffesiynol. Mae hefyd yn gwirfoddoli gyda’r gwasanaeth Ambiwlans ac yn rhoi cyflwyniadau i grwpiau anabledd dysgu.

Beth mae bod yn ymddiriedolwr yn ei olygu imi

Mae bod yn ymddiriedolwr Anabledd Dysgu Cymru yn bwysig imi gan fy mod eisiau rhoi llais i bobl gydag anabledd dysgu. Mae’n bwysig imi hefyd bod gwybodaeth hawdd ei ddeall ar gael i bawb gydag anabledd dysgu.

Ar ôl astudio Troseddeg a chael fy ngradd, mae Lynne yn dweud wrthym – roeddwn i’n cael trafferth cael fy swydd ddelfrydol mewn troseddau ieuenctid. Roeddwn i wedi bod yn weithiwr sesiynol a gwneud iawnl am ychydig fisoedd ond dim byd parhaol.

Dyna pryd y syrthiais i ofal cymdeithasol. Rwyf bellach wedi gweithio i Pobl ers ychydig dros 20 mlynedd, gan ddechrau fel gweithiwr cymorth cynorthwyol yn nhîm peripatetig y Fenni, gan ennill profiad ym mhob rôl, gan symud ymlaen i reolaeth sy’n fy arwain at fy rôl fel swyddog cynhwysiant a thechnoleg gynorthwyol heddiw. Rwyf bob amser wedi bod yn angerddol am alluogi pobl i fyw eu bywydau gorau, gan feddwl y tu allan i’r norm a herio rhwystrau ac ideolegau. Rwyf wrth fy modd fy mod yn gallu rhoi llais a dod o hyd i dechnolegau i unigolion sy’n gwella eu bywydau fel y gallant eu byw i’w potensial. Fy nghyflawniad mwyaf hyd yma yw galluogi person ifanc i fod yn ddigon medrus a hyderus i adael 24/7 â chymorth i fyw’n annibynnol yn y dref yr oeddent bob amser wedi bod eisiau byw ynddi heb unrhyw gymorth â thâl mwyach.

Pam ei bod yn bwysig i mi fod yn ymddiriedolwr Anabledd Dysgu Cymru

Mae bod yn rhan o Anabledd Dysgu Cymru yn gyffrous. Mae’n rhoi cyfle i mi fod yn rhan o gefnogi eraill i gyflawni dyheadau a gwylio sut mae mentrau’n datblygu. O fod mewn gofal cymdeithasol mae wedi rhoi cipolwg gwych i mi ar heriau heddiw i bobl ag anabledd dysgu ac mae bod yn rhan o’r ymddiriedolwyr yn fy ngalluogi i eiriol a chlywed llais y rhai ag anabledd.

Mae Stephen yn Uwch Ddarlithydd ac yn Arweinydd Anrhydeddus mewn Cyflogaeth Anabledd Dysgu yng Nghanolfan Genedlaethol Iechyd Meddwl Prifysgol Caerdydd. Mae Stephen wedi bod yn ymchwilydd ym maes anableddau dysgu ers dros 30 mlynedd yn gwneud gwaith ymchwil ar bolisi a gwasanaethau gofal cymdeithasol. Mae ei waith ymchwil bob amser wedi pwysleisio dod o hyd i atebion ymarferol sy’n gwella ansawdd bywyd pobl ag anabledd dysgu. Yn fwy diweddar, mae wedi gweithio ar gyflogaeth â chymorth i helpu pobl i gael gwaith cyflogedig, a hefyd i ddeall yr arferion gorau wrth helpu pobl ifanc ag anabledd dysgu wrth iddynt symud o addysg i fywyd fel oedolion. Yn hyn oll, mae Stephen wedi canolbwyntio ar arfer gorau sy’n sail i dystiolaeth ac ar “yr hyn sy’n gweithio”.

Beth mae bod yn Ymgynghorydd Anabledd Dysgu Cymru yn ei olygu i mi

 Rwy’n falch iawn o fod yn Ymynghorydd i Anabledd Dysgu Cymru. Mae hwn yn gyfnod o gyfle gwych i bobl ag anabledd dysgu ond mae bygythiadau mawr hefyd i’w gwasanaethau, eu hannibyniaeth a’u hiechyd. Mae’n anrhydedd i mi allu cyfrannu at waith Anabledd Dysgu Cymru fel sefydliad sy’n seiliedig ar dystiolaeth a mynd ati i’w helpu i fynd i’r afael â hawliau pobl ag anabledd dysgu.

Rheolwraig y Rhaglen yw Kathryn ar gyfer Prosiect Trawsnewid Anabledd Dysgu.  Dechreuodd hi weithio gyda phobl gydag Anableddau Dysgu ym 1990.  Anogwraig Swyddi oedd ei rôl gyntaf yn helpu pobl gydag anabledd dysgu sut i wneud gwaith fel llungopï, gwaith y swyddfa a thasgau eraill.  Cymhwysodd ar gyfer gweithwraig gymdeithasol ym 1995 a dechrau gweithio gyda’r Tîm Anableddau Dysgu yn Y Rhyl.  Arhosodd gyda’r tîm hwnnw tan 2019, yn gyntaf fel gweithwraig gymdeithasol gymunedol, yna ymgymryd ag ailgartrefu o ysbyty Bryn y Neuadd yn y 2000au cynnar, ac yn olaf symud ymlaen i fod yn Ymarferydd Uwch a Rheolwraig Dîm.

Symudir hi o’r tîm hwnnw i wasanaeth gyda Phrosiect Trawsnewid Anabledd Dysgu ac ar hyn o bryd mae hi’n gweithio gyda phartneriaid dinasyddion, teuluoedd, awdurdodau lleol a BIPBC i ddarparu Strategaeth Anabledd Dysgu Gogledd Cymru.

Beth mae bod yn Ymgynghorydd Anabledd Dysgu Cymru’n golygu i mi.

Yng Ngogledd Cymru, mae gynnon ni Strategaeth Anabledd Dysgu.  Mae pobl gydag anableddau dysgu wedi dweud wrthyn ni am yr hyn sy’n bwysig iddyn nhw.  Maen nhw eisiau tai da, perthnasau, swyddi, iechyd corfforol a iechyd meddwl da a’r cyfle i fod yn rhan o’u cymunedau.  Dw i’n lwcus iawn bod yn rhan o’r tîm a’r gymuned ehangach y mae eu swydd yn meddwl gwreiddio yr hawliau hyn a chydgynhyrchu atebion.

Mae bod yn rhan o Anabledd Dysgu Cymru’n fy llenwi â balchder mawr.  Dw i’n ei gweld fel anrhydded bod yn rhan o sefydliad y mae eu rôl yn golygu hyrwyddo hawliau a diddordebau pobl gydag anableddau dysgu yng Nghymru, ar y llwyfan cenedlaethol a thu hwnt.